Një aksident i rëndë automobilistik ka tronditur Sarandën mbrëmjen e së dielës, duke marrë jetën e dy vajzave të reja dhe duke plagosur rëndë një tjetër.
Tragjedi në Sarandë/ 23-vjeçari i dehur përplas për vdekje dy motra të reja – zbulohet kush është shoferi zyrtar në Ministrinë e Brendshme
Ngjarja ndodhi në hyrje të qytetit bregdetar, ku një automjet tip Audi, i drejtuar nga Kevin Nora, 23 vjeç, është përplasur kokë më kokë me makinën ku udhëtonin motrat Elvisa Dhimaku (20 vjeçe) dhe Rozina Dhimaku (22 vjeçe). Përplasja fatale rezultoi vdekjeprurëse për të dyja motrat.
Burime të Policisë Rrugore konfirmojnë se drejtuesi i mjetit, i cili është punonjës në Ministrinë e Brendshme, kishte konsumuar sasi të konsiderueshme alkooli. Testi i alkoolit tregoi se ai kishte kaluar 15-fishin e normës së lejuar.
Sipas dëshmitarëve, i riu ka tentuar të parakalojë në mënyrë të rrezikshme, duke kaluar në krahun e kundërt të rrugës dhe duke shkaktuar përplasjen frontale.
Në makinë me dy motrat ndodhej edhe Antonela Zhupa, 24 vjeçe, e cila mbeti e plagosur rëndë dhe aktualisht ndodhet nën kujdes intensiv në Spitalin e Traumës në Tiranë.