Nutricionisti Altin Joka ka theksuar rëndësinë e funksionimit normal të zorrëve për shëndetin e përgjithshëm të trupit. Sipas tij, kur zorra nuk lëviz siç duhet, krijohet një “valëzim” i çrregullt që çon në grumbullimin e mbetjeve dhe shfaqjen e kapsllëkut.
Largoni kapsllëkun dhe gazrat pa ilaçe – këto këshilla natyrale do t’ju shpëtojnë.
“Shëndeti ynë nis nga zorra. Nëse kapsllëku bëhet i përhershëm, kjo është një gjendje alarmi për organizmin”, – shprehet Joka.
Çfarë konsiderohet kapsllëk?
Dalja 3 herë në javë → konsiderohet kapsllëk kronik funksional. Dalja 1 herë në dy ditë → shfaqen shenjat e para të kapsllëkut. Dalja 1 herë në ditë → nivel i mirë. Dalja 2 herë në ditë → funksionimi ideal i zorrëve.
Shkaqet kryesore të kapsllëkut
Dieta e varfër në fibra, perime, fruta, drithëra dhe fara. Konsumi i ulët i ujit gjatë ditës. Stresi, depresioni dhe ankthi, që ndikojnë drejtpërdrejt në shëndetin e zorrëve. Ushqimet e yndyrshme si mishi, djathi dhe veza, të cilat përkeqësojnë kapsllëkun. Kafeina dhe pijet energjike, që shkaktojnë dehidrim.