Devoll, 19 Gusht 2025 – Një ngjarje tragjike ka ndodhur gjatë ditës, kur një 59-vjeçar humbi jetën pas një trajtimi dentar në një klinikë në Devoll. Burimet zyrtare nga hetimi bëjnë të ditur se pacienti kishte kryer një mbushje dhëmbi dhe menjëherë pas procedurës u anku për shëndetin, duke thënë “S’jam mirë” .
Humb Jetën Pas Vizitës te Dentisti – Dyshohet për Infarkt në Devoll
Sipas të dhënave paraprake, shkaku i ndarjes nga jeta dyshohet të ketë qenë një infarkt. Autoritetet kanë sekuestruar kartelën mjekësore të tij për të verifikuar trajtimin që iu bë dhe për të përcaktuar nëse ka pasur ndonjë rol të mundshëm të mjekimit në këtë ngjarje tragjike .
Dentisti 36-vjeçar që e ka kryer trajtimin është marrë në pyetje nga policia e Devollit. Ai ka dhënë sqarime lidhur me procedurën e ndjekur gjatë mjekimit, ndërsa shpjegimet përfundimtare për shkakun e vdekjes do të dalin pas përfundimit të ekspertizës mjeko-ligjore .