Njësia snajperiste “Pryvyd” (Fantazmë) e ushtrisë ukrainase ka vendosur një rekord botëror të pabesueshëm, duke eliminuar trupa ruse nga një distancë prej 4,000 metrash. Goditja fatale u realizua me pushkën e fuqishme “Alligator” 14.5 mm, prodhim ukrainas, me ndihmën e dronëve dhe inteligjencës artificiale.
I pabesueshëm/ Snajperisti ukrainas godet nga 4000 metra larg dhe vret me një plumb dy ushtarë rusë! (VIDEO)
Sipas Defense Express, snajperi ukrainas qëlloi përmes një dritareje duke vrarë dy ushtarë rusë në sektorin e Pokrovskut. Ngjarja ndodhi më 14 gusht 2025 dhe u publikua fillimisht nga gazetari ushtarak Yuri Butusov, i cili publikoi edhe videon e momentit dramatik.
Alligatori”, një armë 25 kilogramëshe e prodhuar në Kharkiv, ishte projektuar fillimisht për të shkatërruar pajisje ushtarake, jo për objektiva njerëzorë. Por kushtet ekstreme të luftës e kanë kthyer në një armë vdekjeprurëse edhe kundër personelit. Provat treguan se plumbi i saj mund të përshkojë deri në 7 kilometra, megjithëse saktësia mbetet sfidë në distanca kaq të mëdha.
Ky rekord i ri e kalon atë të mëparshmin, po nga një snajper ukrainas i Shërbimit të Sigurisë (SBU), i cili kishte shënjestruar nga 3,800 metra. Ukraina ka tashmë dy goditjet më të gjata të konfirmuara në historinë e snajperëve.
Goditja ndodhi në një moment kritik, ndërsa Rusia kishte grumbulluar rreth 110,000 trupa në zonën e Pokrovskut dhe kishte shkelur disa linja mbrojtëse. Megjithatë, ushtria ukrainase deklaroi se situata mbetet nën kontroll.