Një ngjarje tragjike ka tronditur fshatin Pirg të Korçës pasditen e sotme, ku një konflikt mes dy të miturve ka përfunduar me vdekjen e njërit prej tyre.
Tragjike në vend! U qëIIua me th*kë nga bashkëmoshatari i tij, humb jetën 14 vjecari
Sipas njoftimit zyrtar të Policisë, rreth orës 17:30, në ambientet e një lokali në fshat, dy 14-vjeçarë janë përfshirë në një debat të ashpër që ka degjeneruar në përdorimin e një mjeti prerës (thikë). Si pasojë e goditjeve të marra, njëri prej tyre, me inicialet E. Xh., është dërguar me urgjencë në spital, ku fatkeqësisht ka ndërruar jetë.
14-vjeçari tjetër, i dyshuari kryesor për ngjarjen, ka mbetur gjithashtu i plagosur dhe ndodhet në spital nën mbikëqyrjen e Policisë. Autoritetet kanë marrë në pyetje dëshmitarët dhe po kryejnë hetime për zbardhjen e plotë të rrethanave.
Grupi hetimor, nën drejtimin e Prokurorisë së Korçës, po verifikon shkaqet e konfliktit, ndërsa zona ku ndodhi ngjarja është rrethuar për të mbledhur prova të tjera.
Banorët e Pirgut janë shprehur të tronditur nga kjo tragjedi, duke thënë se dy të miturit njiheshin prej kohësh dhe nuk pritej që sherri të përfundonte në mënyrë kaq të rëndë.