Aksioni i përbashkët i Ministrisë së Bujqësisë dhe Zhvillimit Rural, Ministrisë së Financave dhe administratës tatimore ka vijuar në të gjithë vendin për formalizimin dhe përmirësimin e sigurisë ushqimore në tregun e produkteve bujqësore dhe blegtorale.
Mbyllet faza e parë e aksionit për sigurinë ushqimore, Tatimet bëjnë BILANCIN:
Drejtoria e Tatimeve përmes një njoftimi zyrtar ka bërë me dije se në 20 ditët e fundit janë ushtruar kontrolle në 282 subjekte ku dhe është bërë i mundur sekuestrimi i 103 ton mallrave.
“Përfundon faza e parë në terren, në kuadër të përpjekjes së vazhdueshme të forcimit të ligjshmërisë fiskale në sektorin e produkteve bujqësore dhe blegtorale.
Nis faza e dytë e monitorimit, që synon të verifikojë në vazhdimësi shoqërimin e produkteve me faturë tatimore. Qëllimi është i qartë: Formalizim i tregut, rritje e sigurisë ushqimore dhe mbrojtje e konsumatorit!
Zero Tolerancë ndaj subjekteve, pjesë e zinxhirit të tregut të produkteve bujqësore dhe blegtorale, që nuk respektojnë ligjin”,thuhet në njoftimin e Tatimeve.