Nga 1 janari 2026, bonusit të bebeve do t’i ndryshojë plotësisht forma. Në vend të pagesës njëherëshe që jepet aktualisht në momentin e lindjes, prindërit do të përfitojnë një shumë mujore për çdo fëmijë deri në moshën 5-vjeçare.
Zbulohet data zyrtare, ja kur nis pagesa mujore për fëmijët deri në 5 vjeç
Pagesat do të jenë si më poshtë:
Fëmija i parë: 5,000 lekë në muaj (60,000 lekë në vit) Fëmija i dytë: 7,000 lekë në muaj (84,000 lekë në vit) Fëmija i tretë dhe më shumë: 10,000 lekë në muaj (120,000 lekë në vit)
Klodian Muça thekson rëndësinë e kësaj nisme:
“Të gjithë e dinë sa kushton të rrisësh një fëmijë sot – nga pelenat deri tek qumështi. Pagesat njëherëshe prej 40,000 apo 120,000 lekësh nuk mjaftojnë dhe nuk mbulojnë as shpenzimet minimale mujore, të cilat janë mbi 10,000 lekë. Kalimi në një mbështetje mujore është një hap pozitiv për familjet.”
Sipas të dhënave të INSTAT, në tremujorin e parë të vitit 2025 lindjet ranë me mbi 14% krahasuar me vitin paraprak, duke u regjistruar vetëm 4,662 lindje. Kjo rënie nxjerr në pah sfidat demografike që po përballen vendi.