Zbardhen detaje tronditëse nga plagosja me thikë që ndodhi në mes të ditës në qytetin e Vlorës.
Ngjarja ndodhi në një berberhane, ku 25-vjeçari Margarit Shakaj u sulmua papritur nga Shkëmbor Skënderaj, si pasojë e një konflikti të mëparshëm mes tyre.
Autori ka hyrë në ambientin ku ndodhej i riu dhe pa thënë asnjë fjalë, e ka goditur me thikë në kraharor. Pas sulmit të befasishëm, ai hodhi armën e krimit në trotuar dhe u largua me vrap nëpër rrugicat e lagjes.
Shakaj është dërguar me urgjencë në spital dhe ndodhet nën kujdesin e mjekëve, ndërsa autori është ende në kërkim nga policia.
Banorët e zonës janë të tronditur, ndërsa kamerat e sigurisë pritet të ndihmojnë në identifikimin dhe arrestimin e autorit që ndodhet në arrati.