us.shqiperia-sot.com

E bujshme! SPAK arr*ston pronarin e “Cinco Cavalli”, Ermir Ndreaj BIZNESMEN i disa bizneseve LUKSOZE në Shqipëri!

Written by

Editorial

in

Ermir Ndreaj është një nga personat e vënë në pranga në kuadër të aksionit të nisur nga Prokuroria e Posaçme Kundër Korrupsionit dhe Krimit të Organizuar (SPAK), një aksion që nisi një natë më parë.

Deri më tani janë vënë në pranga katër persona, mes tyre dhe dy vëllezërit Artur dhe Ervin Hoxhosmani si dhe Ermir Ndreaj.

Një tjetër person raportohet se është vënë në pranga në Elbasan, por emri i tij nuk është zbardhur ende.

Por, ndryshe nga dy vëllezërit, Ermir Ndreaj nuk është një emër i padëgjuar, si për median shqiptare, ashtu edhe për atë ndërkombëtare.

Ndreaj jeton në Tiranë, pasi deri një natë më parë, për autoritetet shqiptare ai rezulton një biznesmen mjaft i fuqishëm pasi ka ngritur aktivitete si klub nate, restorant luksoz si dhe një klinikë estetike mjaft me emër.

Ndreaj njihet nga rrethi i tij i bashkëpunëtorëve si “Cinco”, pseudonim që e ka përdorur për t’i vënë dhe emrin një prej bizneseve të tij, “Cinco Cavalli”, në Durrës.

Një tjetër biznes që ai ka ngritur është edhe “Savoy Garden”, një nga restorantet më elegante në Tiranë, që frekuentohet nga persona publikë dhe kryesisht elitarë të vendit.

Ky restorant ndodhet në kompleksin “Delijorgji”, aty ku një natë më parë zbarkuan agjentët e Byrosë Kombëtare të Hetimit.

Në të njëjtën zonë, ndodhet edhe biznesi tjetër Clinique Cinq që bashkë me reatorantin menaxhohet dhe administrohet nga partnerja e Ndreajt.

Prokuroria e Posaçme ka kryer një aksion sot në disa qytete të vendit. Siç bëhet me dije, në pranga kanë rënë dy vëllezërit Artur dhe Ervin Hoxhosmani si dhe Ermir Ndrejaj.

Ndërkohë Plarent Dervishajt dhe të penduarit të drejtësisë, Erion Alibej i janë komunikuar akuza të reja.

Të arrestuar janë edhe dy persona të tjerë, emrat e të cilëve nuk janë bërë ende të ditur. Në total ka patur shtatë urdhër-arreste.

Nga ky aksion janë sekuestruar ora të shtrenjta, bizhuteri dhe makina luksoze. Nuk dihet se për çfarë rasti është zhvilluar aksioni i SPAK, por mësohet se kontrolle ka pasur edhe në Vlorë.

Në total janë 7 persona, 4 të arrestuar sot (ende nuk dihet indentiteti i njërit), ndërsa një tjetër është shpallur në kërkim, pasi jashtë shtetit.

More posts