Në një ceremoni zyrtare të mbajtur javën e kaluar në San Diego, Alban Dervishi mori komandën e anijes luftarake USS Pearl Harbor, një nga mjetet më të rëndësishme të flotës së Marinës Amerikane. Ky është një moment historik jo vetëm për karrierën e tij, por për të gjithë komunitetin shqiptar.
Ambasada e SHBA shpërthen në urime për shqiptarin që ngjitet në majë të Marinës!
Ambasada e Shteteve të Bashkuara e përgëzoi këtë arritje me një mesazh publik, duke theksuar rëndësinë e këtij roli dhe duke i uruar suksese në detyrën e re.
“Ambasada e SHBA përgëzon Alban Dervishin për rolin e tij të ri si Komandant i USS Pearl Harbor! Ceremonia e ndërrimit të komandës u zhvillua në San Diego javën e kaluar. Përjetoni këtë moment historik në karrierën e tij.”
Rruga drejt këtij suksesi nuk ka qenë e lehtë, por përkushtimi, profesionalizmi dhe lidershipi i Dervishit janë shpërblyer me një nga postet më prestigjioze në Marinën amerikane. Një histori frymëzimi për të gjithë shqiptarët kudo në botë!