Një ngjarje tragjike ka ndodhur në Harris County, Teksas, ku një vajzë 9-vjeçare ka ndërruar jetë pasi nëna e saj dyshohet se e la brenda makinës për orë të tëra, në një ditë me temperatura të larta.
Tragjedi: Vajza 9-vjeçare humb jetën pasi nëna e la në makinë për 8 orë në vapë ekstreme (VIDEO)
Ngjarja ndodhi më 1 korrik, kur autoritetet morën një telefonatë urgjente rreth një fëmije të pandjeshëm në një makinë të bardhë, e cila ndodhej në parkingun e një fabrike ku nëna punonte. Vajza u dërgua menjëherë në një spital lokal, ku u shpall e vdekur.
Sherifi i Qarkut Harris, Ed Gonzalez, u shpreh me trishtim të thellë në një deklaratë për media:
“Jam jashtëzakonisht i mërzitur dhe i zhgënjyer që një vajzë e vogël, 9-vjeçare dhe e bukur, humbi jetën pa asnjë faj të sajin. Nuk ka kurrë justifikim për të lënë një fëmijë pa mbikëqyrje.”
Nëna 36-vjeçare dyshohet se e la vajzën në makinë për të kryer turnin e saj të punës prej 8 orësh. Ajo thuhet se kishte lënë dritaret pjesërisht hapur dhe kishte vendosur një shishe me ujë në makinë, megjithatë këto masa nuk mjaftuan për të shmangur tragjedinë.