Ministria e Mbrojtjes në Mbretërinë e Bashkuar ka vendosur që nga viti i ardhshëm të mos lejojë shtetas izraelitë në “Royal College of Defence Studies”, akademia elitare ku trajnohen oficerë të lartë ushtarakë dhe diplomatë.
“Lëvizje e papritur nga Mbretëria e Bashkuar kundrejt Izraelit” Nuk misht ndodhur kurre me parë !
Vendimi lidhet me operacionet ushtarake të Izraelit në Gaza. Ky është rasti i parë që nga themelimi i kolegjit në vitin 1927 që një komb i tërë përjashtohet nga pjesëmarrja.
Akademia ka pritur ndër vite personalitete ushtarake e politike nga e gjithë bota, përfshirë ish-presidentin pakistanez Pervez Musharraf.
Lajmi ka sjellë reagime nga Izraeli. Amir Baram, drejtori i përgjithshëm i Ministrisë së Mbrojtjes dhe ish-student i kolegjit, e quajti vendimin “diskriminues” dhe “një akt të turpshëm ndaj një aleati në kohë lufte”.
Autoritetet britanike theksuan se masa është pjesë e politikave më të gjera ndaj Izraelit, përfshirë pezullimin e eksporteve të armëve dhe ndalimin e pjesëmarrjes në ekspozita të mbrojtjes, duke theksuar nevojën për armëpushim të menjëhershëm dhe respektim të ligjit ndërkombëtar humanitar.