FBI-ja ka kërkuar ndihmën e publikut për të identifikuar një person me interes në lidhje me të shtënat me armë zjarri ndaj aktivistit të njohur konservator, Charlie Kirk.
FBI publikon foton e të dyshuari për vrasjen e Kirk, kërkohet ndihma e publikut
Zyra e FBI-së në Salt Lake City publikoi sot imazhe të këtij personi në platformën X (ish-Twitter) dhe ka vënë në dispozicion numrin 1-800-CALL-FBI për këdo që mund të ketë informacione.
Sipas një burimi të afërt me hetimin, pranë pushkës që dyshohet se u përdor në sulm, është gjetur një kaçavidë.
Hetuesit besojnë se arma mund të jetë çmontuar dhe rimontuar përpara përdorimit, për të ndihmuar në fshehjen e saj — ndoshta në një çantë apo edhe në rroba.
Gjithashtu, CNN raportoi më herët se disa fraza të shkruara me shkronja të mëdha, të lidhura me çështje kulturore, ishin gjetur të gdhendura në armën dhe municionet e zbuluara në pyllin pranë vendit të ngjarjes.