Author: Editorial

Gjykata e Posaçme ka marrë vendimin për të lënë në fuqi masën e “arrestit me burg” ndaj ish-presidentit Ilir Meta, pasi ky i fundit kërkoi lirinë.

SPAK depozitoi në GJKKO prova të reja për çështjen e Metës, ky i fundit mori vetë pjesë në seancën e radhës ku kërkoi zëvëndësim të masës arrest me burg.

Avokati i Ilir Metës, Kujtim Cakrani, në një prononcim për gazetarët zbuloi edhe çfarë ndodhi në seancën që zgjati rreth 4 orë.

“Meta s’ka përdor kur karta në jetë e tij, s’ka asnjë lloj dijenie se çfarë ka ndodhur me zonjën Kryemadhi. Secili në një vend demokratik mban përgjegjësi për veten e vet, kështu an ka mësuar edhe kryeministri në daljen tij. Askush sot nuk e di se përse duhet të qëndrojë Meta në arrest me burg. Hetimet nuk kanë përfunduar, ne po presim se ca do bëjë SPAK. Janë të paktën 3-4 që kanë dhënë dëshmi të rremë para BKH“, tha avokati i Metës

TIRANË- Një debat që po zhvillohet online, si rrallëherë ka tërhequr edhe vëmendjen e konsumatorëve. Bëhet fjalë për një “përplasje” që po  në rrjetet sociale mes medias “Lolita Albania” dhe kompanisë “Lufra”. Gjithçka nisi me një postim të lopës Lara nga kompania dhe më pas, “Lolita” e shpërndau postimin në profilin e saj duke shkruar një fakt shumë të thjesht: Kompania Lufra nuk ka fermë, por vetëm përpunon qumështin.

Lolita: Lara është yll e bukur, por kompania Lufra nuk ka fermë. Boll përdorët Larën e shkretë dhe cicat e saj për qëllime marketingu. Nuk e di nga e merr qumështin kjo kompani, por ajo që di me siguri është se nuk kanë fermë lopësh.

Përgjigjia erdhi menjëherë në komente nga vetë kompania, ku sqaron se lopa është nga ferma Demiri, që furnizon rrjetin bashkë me 450 fermerë të tjerë.

Lufra: Tek Lufra na ka pëlqyer gjithmonë humori i Lol Albania. Në fakt, si kompani, na pëlqen humori – edhe kur bëhet me ne. Është e vërtetë që nuk kemi një fermë tonën, por po aq e vërtetë është që Lara ekziston dhe “punon” çdo ditë në një nga fermat partnere që na furnizojnë me qumësht të freskët: Ferma Demiri – mund ta gjeni edhe në Instagram si @s.s.s.s_ferma_demiri nëse doni ta njihni më nga afër. Sot bashkëpunojmë me mbi 450 fermerë shqiptarë, të cilët i mbështesim me teknologji, trajnime dhe tanke ftohëse – sepse cilësia fillon në fermë. Dhe sepse e dimë që njerëzit duan më shumë transparencë (dhe kanë të drejtë), kemi nisur një rubrikë që tregon të vërtetat pas qumështit tonë dhe sigurinë që ofrojnë produktet Lufra. (na ndiqni ne rrjetet tona sociale per ti pare) Lolita, nëse do, do na bëhej vërtetë qejfi të të ftonim të vizitosh disa nga këto ferma dhe fabrikën tonë. Jo për të të bindur me komente – por që ta shohësh vetë nga afër çfarë përpiqemi të bëjmë çdo ditë.

Teksa panë që kompania ishte futur vetë në komente dhe po kthente përgjigje, edhe komentuesit e tjerë shfrytëzuan mundësinë që të pyesnin lidhur me përdorimin e qumështit pluhur. Sipas kompanisë, aludimet se Lufra përdor qumësht pluhur nga Serbia dhe Maqedonia e Veriut janë të pavërteta.

Lufra: E kuptojmë që ka shumë aludime për industrinë e qumështit – disa të sakta, disa jo. Por për të qenë të qartë: Lufra nuk përdor qumësht pluhur nga Serbia, Maqedonia apo ndonjë vend tjetër për produktet e saj të freskëta. Këto produkte bëhen nga qumësht i freskët ferme, që vjen çdo ditë nga më shumë se 450 fermerë me të cilët punojmë prej vitesh. Nëse ka ndonjë fakt qe tregon të kundërtën, jemi këtu për ta dëgjuar. Në të kundërt, le të flasim me të vërteta, jo me aludime.

Në vazhdën e pyetjeve edhe Lolita ka kërkuar informacion nga kompania për përdorimin e vajit të palmës. Një tjetër produkt që përdoret gjerësisht dhe që po shqetëson konsumatorët. Përgjigja ishte negative. Sipas kompanisë, ingredientët e produkteve janë ato që shkruhen në produkt dhe nuk kanë asnjë shtesë.

Lolita: Pyetja ishte shumë e thjeshtë, shteruese dhe aspak me doza ironie pasi bëhet fjalë për shëndetin e konsumatorit. Po e ripërsërisim:
Sa është sasia e vajit të palmës të importuar ose blerë nga ana juaj? Nëse kompania juaj nuk ka importuar nga jashtë, ose blerë në tregun vendas nga operatorë, qoftë dhe kompani të tjera të pronarëve tuaj vaj palme, thjesht mund të deklaroni që nuk kemi blerë asnjë litër.
P.s Keni harruar pa përmendur salcën e kosit si një nga produktet që përdoret më shumë vaji i palmës. Por mbase nuk prodhoni më.

Lufra: Pavarësisht se pyetja vjen pak me doza satirike ne do përgjigjemi me seriozitet, sepse mbi të gjitha respektojmë konsumatorin që po na ndjek në këtë “spektakël” që po zhvillohet këtu. Megjithatë, për ta thënë troç: ne nuk jemi aq të zotët në Facebook sa disa prej jush. Puna jonë e përditshme nuk është të fitojmë debate online, por të bëjmë produkte të mira, të sigurta, me njerëz që punojnë me ndershmëri në ferma dhe në fabrikë. Asnjë nga produktet e markës Lufra si qumështi, kosi, dhalla, gjalpi, djathi, etj. nuk përmban vaj palme. Çdo përbërës është i deklaruar në etiketë, siç e kërkon ligji. Për këdo që ka me të vërtetë interes të kuptojë se si i bëjmë gjërat, na shkruani në inbox dhe do organizojmë vizita në fabrikë dhe në ferma, që t’ju përgjigjemi çdo pyetje sy më sy. Jeni të mirëpritur të vini e t’i shihni të gjitha me sytë tuaj.

Kështu nga ky debat, të paktën mësuam pretendimet dhe qytetarët patën të paktën një mundësi për të pyetur lidhur me gjërat që vërtetë i shqetësojnë në produktet që konsumojnë në përditshmërinë e tyre.

TIRANË- Një debat që po zhvillohet online, si rrallëherë ka tërhequr edhe vëmendjen e konsumatorëve. Bëhet fjalë për një “përplasje” që po  në rrjetet sociale mes medias “Lolita Albania” dhe kompanisë “Lufra”. Gjithçka nisi me një postim të lopës Lara nga kompania dhe më pas, “Lolita” e shpërndau postimin në profilin e saj duke shkruar një fakt shumë të thjesht: Kompania Lufra nuk ka fermë, por vetëm përpunon qumështin.

Lolita: Lara është yll e bukur, por kompania Lufra nuk ka fermë. Boll përdorët Larën e shkretë dhe cicat e saj për qëllime marketingu. Nuk e di nga e merr qumështin kjo kompani, por ajo që di me siguri është se nuk kanë fermë lopësh.

Përgjigjia erdhi menjëherë në komente nga vetë kompania, ku sqaron se lopa është nga ferma Demiri, që furnizon rrjetin bashkë me 450 fermerë të tjerë.

Lufra: Tek Lufra na ka pëlqyer gjithmonë humori i Lol Albania. Në fakt, si kompani, na pëlqen humori – edhe kur bëhet me ne. Është e vërtetë që nuk kemi një fermë tonën, por po aq e vërtetë është që Lara ekziston dhe “punon” çdo ditë në një nga fermat partnere që na furnizojnë me qumësht të freskët: Ferma Demiri – mund ta gjeni edhe në Instagram si @s.s.s.s_ferma_demiri nëse doni ta njihni më nga afër. Sot bashkëpunojmë me mbi 450 fermerë shqiptarë, të cilët i mbështesim me teknologji, trajnime dhe tanke ftohëse – sepse cilësia fillon në fermë. Dhe sepse e dimë që njerëzit duan më shumë transparencë (dhe kanë të drejtë), kemi nisur një rubrikë që tregon të vërtetat pas qumështit tonë dhe sigurinë që ofrojnë produktet Lufra. (na ndiqni ne rrjetet tona sociale per ti pare) Lolita, nëse do, do na bëhej vërtetë qejfi të të ftonim të vizitosh disa nga këto ferma dhe fabrikën tonë. Jo për të të bindur me komente – por që ta shohësh vetë nga afër çfarë përpiqemi të bëjmë çdo ditë.

Teksa panë që kompania ishte futur vetë në komente dhe po kthente përgjigje, edhe komentuesit e tjerë shfrytëzuan mundësinë që të pyesnin lidhur me përdorimin e qumështit pluhur. Sipas kompanisë, aludimet se Lufra përdor qumësht pluhur nga Serbia dhe Maqedonia e Veriut janë të pavërteta.

Lufra: E kuptojmë që ka shumë aludime për industrinë e qumështit – disa të sakta, disa jo. Por për të qenë të qartë: Lufra nuk përdor qumësht pluhur nga Serbia, Maqedonia apo ndonjë vend tjetër për produktet e saj të freskëta. Këto produkte bëhen nga qumësht i freskët ferme, që vjen çdo ditë nga më shumë se 450 fermerë me të cilët punojmë prej vitesh. Nëse ka ndonjë fakt qe tregon të kundërtën, jemi këtu për ta dëgjuar. Në të kundërt, le të flasim me të vërteta, jo me aludime.

Në vazhdën e pyetjeve edhe Lolita ka kërkuar informacion nga kompania për përdorimin e vajit të palmës. Një tjetër produkt që përdoret gjerësisht dhe që po shqetëson konsumatorët. Përgjigja ishte negative. Sipas kompanisë, ingredientët e produkteve janë ato që shkruhen në produkt dhe nuk kanë asnjë shtesë.

Lolita: Pyetja ishte shumë e thjeshtë, shteruese dhe aspak me doza ironie pasi bëhet fjalë për shëndetin e konsumatorit. Po e ripërsërisim:
Sa është sasia e vajit të palmës të importuar ose blerë nga ana juaj? Nëse kompania juaj nuk ka importuar nga jashtë, ose blerë në tregun vendas nga operatorë, qoftë dhe kompani të tjera të pronarëve tuaj vaj palme, thjesht mund të deklaroni që nuk kemi blerë asnjë litër.
P.s Keni harruar pa përmendur salcën e kosit si një nga produktet që përdoret më shumë vaji i palmës. Por mbase nuk prodhoni më.

Lufra: Pavarësisht se pyetja vjen pak me doza satirike ne do përgjigjemi me seriozitet, sepse mbi të gjitha respektojmë konsumatorin që po na ndjek në këtë “spektakël” që po zhvillohet këtu. Megjithatë, për ta thënë troç: ne nuk jemi aq të zotët në Facebook sa disa prej jush. Puna jonë e përditshme nuk është të fitojmë debate online, por të bëjmë produkte të mira, të sigurta, me njerëz që punojnë me ndershmëri në ferma dhe në fabrikë. Asnjë nga produktet e markës Lufra si qumështi, kosi, dhalla, gjalpi, djathi, etj. nuk përmban vaj palme. Çdo përbërës është i deklaruar në etiketë, siç e kërkon ligji. Për këdo që ka me të vërtetë interes të kuptojë se si i bëjmë gjërat, na shkruani në inbox dhe do organizojmë vizita në fabrikë dhe në ferma, që t’ju përgjigjemi çdo pyetje sy më sy. Jeni të mirëpritur të vini e t’i shihni të gjitha me sytë tuaj.

Kështu nga ky debat, të paktën mësuam pretendimet dhe qytetarët patën të paktën një mundësi për të pyetur lidhur me gjërat që vërtetë i shqetësojnë në produktet që konsumojnë në përditshmërinë e tyre.

Një ngjarje e rëndë ka ndodhur në Kanada,

me pasojë humbjen e jetës së një nëne nga Kosova dhe djalit të saj.

Detajet e ngjarjes janë ende të paqarta, por kryetari i Deçanit Bashkim Ramosaj, ka thënë se shtetasja e Kosovës ka tentuar të shpëtojë nga mbytja në pishinë djalin e saj, por të dy kanë humbur jetën.

“Elzina dhe Elon u prefshi në paqe! Na e keni vrarë zemrën sot! Lagjes sonë ka me i mungu buzëqeshja e mirësia jote Elzina Halit Ramosaj dhe birit tënd Elonit! Lamtumirë jetimja e buzëqeshur e lagjes sonë”, shkroi ai në rrjetet sociale.

“Ngjarja ka ndodhur në një vend jashtë Kosovës. Detajet nuk i di. I biri ka rënë në pishinë dhe nëna duke tentuar ta shpetojë, kanë vdekur të dytë”, deklaroi ai për mediat në Kosovë.

“Jemi të shokuar. Kemi qenë në një lagje, jemi rritur bashkë rrugëve të lagjes. Jam i shokuar dhe pa fjalë. Dhimbje shumë e madhe. Tani jemi duke shkuar tek familja e saj”, u shpreh ai.

Një tjetër tërmet me magnitudë 3.4 të shkallës Rihter është regjistruar këtë të enjte, në orën 13:51 në jug-perëndim të Shqipërisë.

Epiqendra ka qenë rreth 17 km në juglindje të Patosit, kurse thellësia e tërmetit është përllogaritur 5 kilometra, ç’ka e bën lëkundjen më të ndjeshme.

Lëkundjet janë ndjerë në Fier, Patos dhe Ballsh. Në Shqipëri janë ndjerë disa lëkundje tërmeti gjatë ditëve të fundit, me më të fortën pranë zonës së Fushë Krujës me magnitudë 4,2 i shkallës rihter.

Një plan i Mbretërisë së Bashkuar për të dërguar azilkërkuesit e refuzuar në “qendra kthimi” në vende të treta tregon se Britania post-Brexit ndodhet “në një pozicion shumë të errët”, – ka deklaruar kryeministri i Shqipërisë.

Në intervistën e tij të parë për median ndërkombëtare që prej udhëheqjes së partisë së tij socialiste drejt një mandati të katërt historik, Edi Rama tha se ideja që Mbretëria e Bashkuar të “kërkonte vende për të hedhur emigrantët” do të kishte qenë e paimagjinueshme një dekadë më parë.

Por kjo ide përputhet me ndryshimin e diskursit publik në Britani pas Brexit-it, ku “ajo që është plotësisht e papranueshme, plotësisht qesharake, plotësisht e turpshme” është bërë e zakonshme, shtoi ai.

E njoftuar muajin e kaluar nga Keir Starmer gjatë një vizite në shtetin ballkanik, skema e “qendrave të kthimit” do të përfshinte qendra në një vend të tretë që do të përpunonin kërkesat e personave që u është refuzuar azili dhe që kanë shteruar të gjitha rrugët ligjore në Mbretërinë e Bashkuar.

“Është një nga ato gjëra që 10 vjet më parë thjesht nuk do të kishin qenë të imagjinueshme… që Britania do të kërkonte vende për të hedhur emigrantët,” tha Rama nga Tirana, kryeqyteti i Shqipërisë.

“Fakti që sot kjo jo vetëm që është e imagjinueshme, por po ndodh, nuk është për shkak se Keir Starmer apo [Rishi] Sunak po bëjnë diçka skandaloze; është për shkak se vendi ndodhet në një pozitë shumë të errët”.

Rama, i njohur për qëndrimet e tij të drejtpërdrejta dhe shpesh kundër rrymës, shprehu zhgënjimin për nivelin e diskursit publik në Mbretërinë e Bashkuar. Si një anglofil i deklaruar, ai tha se i ishte e vështirë ta përballonte këtë.

“Tetëdhjetë për qind e gjërave që thuhen, që shkruhen apo që pranohen si pjesë normale e diskursit në Britaninë e sotme janë gjëra që [para Brexit-it] do të kishin qenë plotësisht të papranueshme, plotësisht qesharake, plotësisht të turpshme,” tha ai.

Nën qeveritë e mëparshme konservatore, marrëdhëniet mes Mbretërisë së Bashkuar dhe Shqipërisë u bënë gjithnjë e më të tensionuara, të errësuara nga kalimet me gomone dhe akuzat për emigrantë të paligjshëm shqiptarë që “pushtonin” brigjet britanike.

Vizita e Starmer në maj – e para ndonjëherë nga një kryeministër britanik – synonte të vendoste marrëdhëniet dypalëshe në një bazë të re. Gjatë qëndrimit në Tiranë, udhëheqësi laburist tha se po zhvilloheshin bisedime “me disa vende” për ngritjen e qendrave të kthimit. Por, në një deklaratë të konsideruar si një qortim i lehtë për të ftuarin e tij, Rama tha në një konferencë të përbashkët për shtyp se Shqipëria nuk do të merrte pjesë në këtë skemë.

Duke kërkuar të sqarojë pozicionin e tij në intervistë, Rama tha se Starmer, një “person shumë korrekt [dhe] shumë i këndshëm”, nuk e kishte bërë kërkesën publikisht dhe as nuk ishte i pari lider britanik që e kishte ngritur këtë çështje në mënyrë joformale. Rama tha se përgjigjja e tij kishte qenë gjithmonë e njëjtë: “Kam qenë i qartë për këtë që kur më pyeti Boris Johnson dhe më pas Rishi… gjithmonë kam thënë jo.” Që Shqipëria kishte rënë dakord më parë për një marrëveshje të ngjashme me kryeministren e Italisë, Giorgia Meloni, ishte ndryshe për shkak të “marrëdhënies shumë të veçantë” mes dy vendeve. Kjo marrëveshje, e cila parashikonte ndalimin e emigrantëve në det dhe dërgimin e shumicës së tyre jo në Itali, por në një qendër pritjeje në Shqipëri ku të përpunoheshin kërkesat për azil, është bllokuar deri tani për shkak të kundërshtimeve ligjore.

Që nga dita kur regjimi brutal stalinist i Shqipërisë ra në vitin 1991, Italia ka qëndruar pranë vendit të tij, tha Rama. Si rezultat, bashkëkombasit e tij kanë një “pikë të dobët” për Romën.

“Praktikisht jemi një vend i përbërë nga dy vende të pavarura… Italia ka qenë aty për ne në çdo moment të errët dhe situatë të vështirë që nga dita që dolëm nga ferri i të qenit Korea e Veriut e Europës,” shtoi ai. “[Ne] kemi një dobësi për Italinë, ndaj kur Italia na kërkon diçka, themi po, pikë.”

Qëndrimi i Ramës përkon me një vetëbesim të ri teksa vendi i vogël, ndër më të varfrit në Europë, po bën hapa që dikur duken të paimagjinueshëm drejt anëtarësimit në BE. Me një ritëm dhe ton tërësisht të ndryshuar, që ai ia atribuon “frymës së re të udhëhequr nga gjeopolitika” të vendimmarrësve europianë pas pushtimit të plotë të Ukrainës nga Rusia, negociatat për anëtarësim janë përshpejtuar, teksa Brukseli më në fund kërkon të përqafojë Ballkanin Perëndimor. Rajoni është parë prej kohësh nga Moska si pjesë e sferës së saj të ndikimit.

Rama, i cili mbush 60 vjeç në korrik, e bazoi fushatën e tij zgjedhore në premtimin se do të vazhdonte përpjekjet për anëtarësimin në Bashkimin Europian. Ai tani beson se negociatat do të përfundojnë deri në vitin 2027 dhe “brenda vitit 2030 do të jemi anëtarë të BE-së”. Shqipëria, e cila iu bashkua NATO-s në vitin 2009, ka qenë kandidate për anëtarësim në BE për më shumë se një dekadë.

“E gjithë qasja ndaj procesit ka ndryshuar në mënyrë dramatike,” tha ai. “Tani ata [BE-ja] janë shumë të etur për të ecur përpara… Me agresionin rus gjithçka ndryshoi, kështu që në një farë mënyre edhe Vladimir Putini e bëri këtë, e bëri Europën shumë më të interesuar për t’u bashkuar.”

Ai sheh një ndikim të ngjashëm në BE edhe nga banori i ri i Shtëpisë së Bardhë dhe është “100% i bindur se zgjedhja e Donald Trump është një gjë e mirë për Europën”. Rama tha se fitorja e Trump e tronditi Europën nga apatia dhe solli “një frymë trazimi” që bota kishte nevojë.

“Mendoj se kur Trump thotë se Zoti e shpëtoi sepse kishte një plan për Amerikën, ai thotë vetëm gjysmën e së vërtetës. Zoti e shpëtoi sepse kishte një plan edhe për Europën, për ta zgjuar atë,” tha ai.

Më vonë gjatë këtij viti, piktori shqiptar që u bë kryeministër do të nisë një tur falënderimi në komunitetet e diasporës, të cilat, për herë të parë, patën mundësinë të votonin në zgjedhjet e muajit të kaluar, duke ndihmuar që ai të sigurojë një fitore dërrmuese. Mendohet se vetëm në Greqi jetojnë më shumë se 500,000 shqiptarë etnikë. Shpresa e Ramës është që t’i tërheqë ata të kthehen në atdhe “sepse tani pagat tona janë shumë pranë [atyre në] Greqi dhe është shtëpia.”

Por kryetari i Partisë Socialiste, me një shtatlartësi prej 2.01 metrash, dikur basketbollist në rini, ka edhe kritikët e tij. Akuzat për korrupsion në shoqërinë shqiptare janë të përhapura. Po ashtu janë edhe akuzat për autoritarizëm në rritje – Rama do të jetë udhëheqësi që qëndron më gjatë në pushtet që nga Enver Hoxha, ish-diktatori brutal i vendit – megjithëse këto akuza cilësohen si qesharake nga admiruesit dhe zyrtarët në Bruksel.

Një ish-ministër i BE-së tha: “Edi është më i madh se vetë jeta. Problemi i tij është se është shumë i madh për vendin e tij, dhe nuk i referohem vetëm shtatlartësisë”.

Nëse Shqipëria do të arrinte të anëtarësohej në BE, Rama tha se kjo do të ishte “momenti i duhur dhe më i mrekullueshëm për t’ia kaluar stafetën dikujt tjetër”. Do të ishte një arritje personale, por gjithashtu do të “ndihmonte Europën të ishte më pak e mërzitshme dhe më e ndritshme”.

Kryeministri Edi Rama ka folur mbi planin e Mbretërisë së Bashkuar për dërgimin e azilkërkuesve të refuzuar në “qendrat e kthimit” në vendet e treta.

Plani i Mbretërisë së Bashkuar për të dërguar azilkërkuesit e refuzuar në “qendrat e kthimit” në vendet e treta tregon se Britania pas Brexit-it është “në një vend shumë të errët”, tha kryeministri i Shqipërisë.

Edi Rama tha se ideja që Britania të “kërkojë vende ku të hedhë emigrantët” do të ishte e paimagjinueshme 10 vjet më parë.

Por, sipas Ramës, kjo përputhet me ndryshimin në diskursin publik në Britani pas Brexit-it, ku “e papranueshmja, qesharakja dhe e turpshmja” janë bërë normale.

Plani i “qendrave të kthimit” u shpall muajin e kaluar nga Keir Starmer gjatë një vizite në Ballkan, dhe parashikon që personat që u është refuzuar azili dhe kanë shteruar rrugët ligjore në Britani, të dërgohen në vende të treta për t’u përpunuar atje kërkesat e tyre.

“Është një nga ato gjëra që dhjetë vjet më parë thjesht nuk do të ishin të imagjinueshme… që Britania do të kërkonte vende për të hedhur emigrantët” tha Rama.

Një video tronditëse e publikuar së fundmi nga aktivisti gjerman për mbrojtjen e mjedisit, Ulrich Eichelmann, ka ngjallur shqetësim të madh në rrjetet sociale dhe opinionin publik, duke hedhur dritë mbi një nga problemet më të mëdha mjedisore që po përballon Shqipëria: ndotjen e lumenjve. Pamjet tregojnë një gjarpër të ngordhur në brigjet e lumit Vjosë, në një nga segmentet që përshkojnë zonën e shpallur Park Kombëtar, si pasojë e ndotjes së rëndë me naftë.

Ulrich Eichelmann, i njohur për angazhimin e tij të vazhdueshëm në mbrojtjen e lumenjve të egër në Ballkan dhe më gjerë, ndodhej në një prej zonave më piktoreske të Vjosës kur u përball me një skenë që ai e përshkroi si “shkatërruese emocionalisht dhe alarmante nga pikëpamja ekologjike”. Në një postim në rrjetet sociale, aktivisti shkroi:

“Bukuria e Shqipërisë errësohet nga një realitet i tmerrshëm. Në një vend që ka shpallur Vjosën Park Kombëtar dhe simbol të natyrës së egër, gjeta një gjarpër të ngordhur, viktimë e ndotjes së rëndë me naftë që rrjedh pa kontroll në këtë lumë të çmuar.”

Sipas tij, rrjedhja e naftës nuk është një fenomen i izoluar apo i rastësishëm, por një derdhje e përhershme dhe sistematike e ndotjes, që rrezikon seriozisht biodiversitetin dhe shëndetin e ekosistemeve të mbrojtura. Ai ngriti alarmin se mungesa e kontrolleve dhe mbikëqyrjes institucionale po i hap rrugë një katastrofe të heshtur, që po dëmton jo vetëm mjedisin, por edhe reputacionin e Shqipërisë si një destinacion i pasur natyror.

Kjo ngjarje ka rikthyer me forcë në vëmendje shqetësimet që prej vitesh janë ngritur nga organizata vendase dhe ndërkombëtare për rrezikun që i kanoset lumit Vjosë – i vetmi lum i madh i egër në Europë, që rrjedh i pandërprerë nga burimi në det. Përpjekjet për ta mbrojtur atë kulmuan me shpalljen e tij si Park Kombëtar në vitin 2023, një hap historik që u përshëndet në të gjithë kontinentin si fitore për natyrën. Por denoncimi i fundit tregon se statusi “ligjor” nuk po shoqërohet me veprime konkrete në terren.

Reagimet në rrjet nuk kanë munguar. Qytetarë, ambientalistë dhe përfaqësues të shoqërisë civile kanë kërkuar hetim të menjëhershëm dhe ndërhyrje të strukturave përkatëse për të ndaluar ndotjen. Disa kanë akuzuar autoritetet për mungesë vullneti dhe për tolerim të ndotësve industrialë që veprojnë në mënyrë të paligjshme pranë zonave të mbrojtura.

Ky rast është një tjetër thirrje e fortë për institucionet shqiptare që të kalojnë nga fjalët në veprim. Vjosa, si pasuri natyrore kombëtare dhe ndërkombëtare, kërkon jo vetëm mbrojtje simbolike, por edhe vëmendje të vazhdueshme, monitorim të rreptë dhe ndëshkime të ashpra për çdo akt ndotjeje. Sepse nëse lejojmë që ujërat tona të helmohen, po helmojmë veten dhe të ardhmen tonë

Në seancën e sotme plenare, zgjedhja e Avokatit të Popullit ka shkaktuar sërish diskutime në Kuvend, mes opozitës dhe socialistëve. Fillimisht ka folur sekretari i përgjithshëm Gazment Bardhi dhe Flamur Noka, ndërsa iu kundërpërgjigj Ministri Balla.

Më pas fjala ishte për kreun e PD, Sali Berisha i cili si rrallëherë ka zgjedhur të flasë nga karrigia në Parlament.

Nga pamja, lideri demokrat duket se nuk është në gjendje të mirë shëndetësore, por nuk zgjati as dy minuta nga koha e tij, ai vendosi t’i drejtohet foltores në Kuvend.

Kujtojmë se edhe disa ditë më parë, Berisha nuk u paraqit në SPAK për masën e sigurisë, pasi sipas avokatit mbrojtës kreu i PD nuk ishte në gjendje të mirë shëndetësore.

https://www.facebook.com/share/v/1DEtH7cawu/?mibextid=wwXIfr

Me një ngjarje jo nga ato që na ndodhin çdo ditë, është përballur një roje nate në një lokal të qytetit të Elbasanit.

Pasi klienti i fundit largohet, ai bën një xhiro në kafenenë ku është i punësuar pasi ka për detyrë të kontrollojë çdo skutë të lokalit.

Pasi i ka rënë rrotull, ka gjetur një çantë me 3 mijë euro brenda në kopshtin para lokalit.

Siç duket çantë e kishin harruar aty apo i kishte rënë dikujt pasi në atë orë të vonë nuk e kishte vënë re asnjë prej kalimtarëve.

Ai ia ka dorëzuar personit që e harroi, por si falenderim mori vetëm një “mirupafshim”.

55-vjeçari nga Elbasani dëshiron të mbetet anonim në lidhje me ngjarjen.

Roja deklaroi:

E mora çantën dhe kur pashë aq shumë para, u futa brenda të shikoja përsëri dhe të kontrolloja që nuk kishte drogë apo armë. Gjithçka mund të ndodhë. E shikova përsëri dhe pashë që ka vetëm para, me kapluan djersët. Pas disa orësh vjen një njeri i cili më pyeti nëse e kisha gjetur një çantë. I tregova që po, dhe ia dhashë çantën. Ai e mori, shpejt e shpejt i numëroi dhe tha; ‘Në rregull, faleminderit dhe mirupafshim”.
Ai shtoi i qeshur:

Nuk pendohem! Gjithmonë dua të konsumoj atë që më jep Zoti dhe s’dua të ha hakun e tjetrit. Pothuajse çdo javë këtu në lokal gjej ndonjë telefon të harruar, por gjithmonë ia jap të zotit. Do kisha mbushur një maune me telefona.