Author: Editorial

Një ngjarje tragjike ka tronditur qytetin e Stambollit dhe opinionin publik në Turqi, pasi një vajzë 18-vjeçare shtatzënë u vra me armë zjarri nga i fejuari i saj 19-vjeçar, në atë që po konsiderohet si një tjetër rast i dhunës ekstreme ndaj grave nën justifikimin e “nderit”.

Viktima, Oya Budak, ishte në muajin e gjashtë të shtatzënisë kur u qëllua për vdekje me armë zjarri në gjoks dhe në vesh.

Sipas raportimeve të medias lokale dha.com.tr, Oya kishte qenë më parë viktimë e një abuzimi seksual, nga i cili kishte mbetur shtatzënë. Për të shmangur skandalin, familjet vendosën për një fejesë mes saj dhe autorit, Samet, 19 vjeç. Por, pas marrjes vesh për shtatzëninë, ai vendosi të anulojë fejesën.

Të enjten në mbrëmje, Samet e telefonoi Oya-n dhe e ftoi të takoheshin për një bisedë. E reja pranoi dhe shkoi në takim së bashku me vëllain e saj 13-vjeçar. Në rrethana ende të paqarta, i riu nxori armën dhe qëlloi Oya-n me dy plumba duke i shkaktuar plagë të rënda.

Pas ngjarjes, autori u largua me makinën e të atit duke u përpjekur të arratisej. Banorët e zonës, të alarmuar nga zhurmat e konfliktit, njoftuan menjëherë policinë.

Oya u transportua me urgjencë në spital, ku iu nënshtrua një ndërhyrjeje kirurgjikale, por fatkeqësisht mjekët nuk arritën të shpëtonin as jetën e saj dhe as të foshnjës që mbante në bark.

Autoritetet turke organizuan një operacion të gjerë kërkimi dhe arritën të arrestonin 19-vjeçarin në shtëpinë e xhaxhait të tij.

Samet u ndalua dhe më pas u transferua në burg, ndërsa ndaj tij rëndon edhe akuza për abuzim seksual ndaj Oyas para fejesës.

Gjatë shoqërimit drejt prokurorisë, një gazetare e pyeti autorin për motivin e vrasjes. Përgjigjja e tij ishte tronditëse:

“Nuk pendohem. Ik andej!”

Nëse termometri shënon 40 gradë në diell, ne e ndjejmë sikur është 44 gradë”

Qershori nisi i nxehtë, me temperatura të larta dhe ashtu po mbyllet, por çfarë na pret në muajin korrik?

Meteorologia Lajda Porja tha në një lidhje live në “Shqipëria Live” se drejt Ballkanit pritet të zbresë një valë të nxehti që tashmë ka përfshirë Spanjën. Megjithatë, Porja theksoi se në vendin tonë nuk do regjistrohen temperatura mbi 40, por sërish ditët do të jenë të nxehta.

Ajo shtoi se pas datës 8 korrik, priten disa ditë me vlera më normale, ku termometri do të zbresë deri në 35 gradë.

“Do vijë një valë të nxehti që ka përfshirë Spanjën, do afrohet drejt Ballkanit. Gjatë kësaj periudhe nuk do të presim temperatura shumë ekstreme, pra termometri nuk do të shënojë mbi 40 gradë. Megjithatë, do të regjistrohen temperatura 37 dhe 38 gradë celcius, që nëse zgjasin për shumë kohë bëhen shumë problematike. Këto temperatura sjellin e dhe zjarre që nëse janë aktivë, stimulohen nga temperaturat e larta.

Pas datës 8 korrik, do kemi disa ditë ku do i kthehemi vlerave normale, nuk po them temperatura të ulëta por të paktën 35 gradë. Por duhet patur parasysh që nëse termometri shënon 40 gradë në diell, ne e ndjejmë sikur është 44 gradë. këto janë dhe temperatura që ndjehen më shumë në orët e pikut.

Nga ora 11:00 dhe 14:00, që njihen dhe si orët e pikut duhet shmangur patjetër dalja për të moshuarit dhe fëmijët.

Ndërkohë për pjesën tjetër, ne që jemi në punë dhe duhet të dalim patjetër, do sugjeroja që në këto orë të bëhet kujdes dhe të shmangen hapësira ku nuk ka hije pa mbulim. 

Në qytetet si Kukësi, Gjirokastra, Berati që janë me kalldrëm ndihen më shumë temperaturat apo dhe zona të caktuara të Tiranës ku nuk ka gjelbërim ka rrezik dhe kërkohet më shumë kujdes.”– tha ajo.

Pas përfundimit të aventurës së tyre në shtëpinë më të ndjekur në Kosovë, Big Brother VIP Kosova 2, duket se marrëdhëniet mes disa prej ish-banorëve nuk kanë mbetur pa tensione. 

Një ndër përplasjet më të përfolura aktualisht në rrjete sociale është ajo mes këngëtares Drenusha Latifi dhe influencueses Xheneta Bytyçi, të cilat dikur u panë në një raport të afërt brenda shtëpisë, por tashmë gjendja duket krejtësisht e ndryshme

Gjithçka nisi me një deklaratë të Drenusha Latifit në një intervistë televizive apo ndonjë podcast, ku ndër të tjera, ajo foli për mënyrën si po i menaxhon jetën dhe karrierën pas daljes nga Big Brother. 

E pyetur për raportet me disa nga ish-banorët, Drenusha nuk e kurseu opinionin e saj për Xhenetën, duke e konsideruar si një emër jo shumë të rëndësishëm në jetën e saj.

“Xheneta nuk është ndonjë faktor,” u shpreh ajo me një qetësi të ftohtë, duke nënkuptuar se emri i saj nuk ka asnjë lloj peshe në rrugëtimin e saj profesional apo personal. 

Më tej, Drenusha theksoi se nuk ka as nevojë dhe as dëshirë të përfshihet në debate boshe, duke shtuar se “nuk më duhet me u shty me skandale e budallallëqe për të qenë e pranishme në publik.”

o deklaratë duket se ishte pika që shkaktoi reagimin e menjëhershëm të Xheneta Bytyçit, e cila, ndonëse nuk përmendi emra konkretë, bëri një varg postimesh të qarta dhe plot nënkuptime në profilin e saj në Instagram.

Me tone të forta dhe një stil të drejtpërdrejtë që e ka karakterizuar edhe gjatë qëndrimit të saj në shtëpinë e BBVK, Xheneta vendosi të qartësojë pozicionin e saj publik, duke dhënë një mesazh të fuqishëm për të gjithë ata që sipas saj “jetojnë me emrin e saj në gojë.”

“Nuk është skandal fakti që kam mendimet e mia,” shkruan ajo në një nga Instastory-t, duke shtuar: “Nuk është skandal që ndërtoj projekte, që hap dyer të reja për veten. Nuk është skandal që punoj, krijoj dhe jam on top pa pasë nevojë për drama. Skandal është që disa njerëz nuk po merren me jetën e tyre, por me timen.”

Në këto fjalë shihet një ndjenjë vetëbesimi dhe vetëdije për pozicionin që Xheneta mendon se ka në sferën publike pas përfundimit të reality show-t. 

Ajo nuk heziton të vërë theksin te puna, përkushtimi dhe ambicia që e kanë mbajtur të suksesshme edhe jashtë BBVK, duke hedhur njëherësh poshtë çdo pretendim se famën e saj e ka ndërtuar përmes përfshirjes në drama të krijuara.

“Nëse dikujt i pengon kjo energji e pastër dhe ky sukses pa skandale – problemi nuk është tek unë. Unë vazhdoj përpara. Ju vazhdoni të shikoni,” vazhdon ajo në një tjetër mesazh, ku përveç vetëvlerësimit, dallohet qartë një qasje ironike ndaj kritikëve të saj.

Por Xheneta nuk u ndal me kaq. Ajo vijoi me një adresim të drejtpërdrejtë ndaj atyre që, sipas saj, e mohojnë publikisht, por e ndjekin në heshtje. 

Në këtë pikë, ajo flet për një dukuri që shpesh ndodh në sferën publike shqiptare: individë që pretendojnë se nuk janë të interesuar për dikë, ndërkohë që ndjekin çdo lëvizje të tyre, shpërndajnë meme, bëjnë komente ironike dhe janë të pranishëm në çdo diskutim për ta

Sepse edhe ata që s’më duan, që gjoja s’më shohin, do bëjnë ndonjë koment, ndonjë meme, ndonjë status ironik, e në fund prapë do jenë duke fol për mua,” thekson ajo me një vetëdije të plotë për impaktin që ajo mendon se ka në opinionin publik. “Kjo është arsyeja pse jam on top, edhe kur s’du.”

Për ta mbyllur serinë e mesazheve të saj me një goditje të fundit plot ironi, Xheneta përdori një frazë që duket se synonte t’i vinte në vend të gjithë ata që sipas saj përpiqen të duken si të rëndësishëm përmes përgojimit të saj: “Edhe më shumë ju lutem, sepse ndryshe nuk dukeni fare që jeni ‘dikushi’.”

Kjo përplasje virtuale, që po zhvillohet në heshtje por me deklarata publike të koduara dhe të mbushura me emocione, duket se nuk është thjesht një keqkuptim momental.

Më shumë se kaq, ajo reflekton një çarje reale në raportin mes dy ish-banorëve që dikur shfaqeshin në ekran me një lloj miqësie apo të paktën respekti reciprok.

Pyetja që tani shtrohet natyrshëm është: A do të ketë një përgjigje të dytë nga Drenusha? 

Apo kjo “përplasje e heshtur” do të vazhdojë të thellohet në rrjete sociale me nënkuptime, ironira dhe thumba të fshehur, që do të interpretohen nga ndjekësit dhe portaleve të showbiz-it?

Për momentin, mikrofonin duket se e ka Xheneta, e cila jo vetëm ka ditur ta përdorë atë për të dhënë mesazhe të qarta, por ka marrë edhe mbështetjen e një pjese të publikut që e ndjek me kuriozitet të madh çdo reagim të saj. 

Dhe ndërsa rrjeti po zien nga kjo përballje indirekte, ajo që është e sigurt është se kjo histori nuk ka përfunduar ende./ORAinfo/

Një 38-vjeçar nga Vlora është zhgënjyer nga dashuria. Vlonjati, emigrant prej një viti i dërgonte për çdo muaj një pjesë të pagës vajzës me të cilën ishte fejuar.

Këto para ia dërgonte që vajza t’i kursente për planet e tyre të së ardhmes. Mirëpo kjo e fundit i ka shpenzuar paratë me të dashurin e ri. Historia është bërë publike në “Aldo morning show”.

38-vjeçari jeton prej disa vitesh në Gjermani dhe ka dy vite që nuk ka ardhur në Shqipëri.

Ai është fejuar me vajzën, të cilën e ka njohur në rrjetet sociale. Ai ka pasur shumë besim te e dashura dhe për 1 vit resht i dërgonte një pjesë të pagës, në mënyrë që t’i kursente. Kur 38-vjeçari erdhi në Shqipëri, mësoi se e dashura e tij i kishte shpenzuar lekët me të dashurin e ri.

Nga dita e sotme deri më datë 10 gusht, të rinjtë nga mosha 21 – 29 vjeç kanë mundësinë për tu punësuar përkohësisht në administratën shtetërore pas hapjes së 600 vendeve të punës.

Të gjithë studentët e pajisur me diplomën universitare mund të aplikojnë në Programin e Praktikave të Punës në faqen online praktika.riniafemijet.gov.al.

Institucionet e pavarura, ministritë e njësitë vendore kanë shpallur vakancën për profilet e studimit, ekonomi, drejtësi, shkenca sociale, shkenca shoqërore, mjekësi e inxhinieri.

Të gjithë fituesit e praktikës do të kenë mundësinë të punësohen në shtet për një periudhë kohore 3 muaj deri 1 vit me të drejtë page. Gjatë praktikës, praktikanti përfiton edhe trajtim ushqimor në formën e kompensimit financiar si edhe trajnime pranë Shkollës Shqiptare të Administratës Publike.

Në përfundim të praktikës 3 mujore, deri në 250 aplikantë do të përzgjidhen nga institucionet përkatëse për tu punësuar me kontratë pune 1-vjeçare. Praktikantët e punësuar do të jenë në nivel specialisti, me page të kategorisë IV-3.

Në orët e para të mëngjesit, këngëtari Joz Marku ka ndarë një mesazh të drejtpërdrejtë me ndjekësit e tij në Instagram, duke kërkuar ndjesë për mungesën e komunikimit në mesazhet private.

“Mirëmëngjes. E vlerësoj dhe e çmoj shumë mbështetjen dhe dashurinë tuaj në DM, dhe kërkoj falje që në mungesë të kohës nuk mundem t’ju kthej dhe përgjigjem”, shkruan ai në postimin e tij në Instagram.

Duke e shoqëruar këtë ndjesë me një ton miqësor dhe të hapur, Jozi shton:
“Sot do mundohem t’ju përgjigjem shumicës prej jush, po ju lej t’më pyesni a thoni ç’të doni ju.”

Ky postim i këngëtarit ka ngjallur kuriozitet, pasi pritet të japë përgjigje sqaruese për disa nga ngjarjet e fundit që lidhen me Loredana Bratin apo deklaratën e bujshme të Ledri Vulës, i cili u shpreh se nuk do të bashkëpunonte me Jozin.

Në një botë ku sheqeri është pjesë thuajse e çdo ushqimi të përpunuar, ideja për ta hequr krejt për 30 ditë duket ekstreme. Por çfarë ndodh vërtet me trupin kur i thua “jo” çdo gram sheqer të shtuar?

1. Ditët e para janë të vështira

Trupi është i mësuar me dozat e përditshme të sheqerit, ndaj në ditët e para mund të përjetosh simptoma të ngjashme me varësinë: dhimbje koke, nervozizëm, dëshirë të pakontrolluar për ëmbëlsira dhe lodhje.

2. Lëkura përmirësohet ndjeshëm

Pa sheqer, inflamacioni në trup bie. Rezultati? Aknet zbuten, fytyra duket më e pastër dhe më e ndritshme.

3. Humbje peshe pa përpjekje

Sheqeri shton kalori pa ndonjë vlerë ushqyese. Heqja e tij shpesh sjell rënie të menjëhershme në peshë – ndonjëherë deri në 3-5 kilogramë në një muaj.

4. Gjumë më i mirë, energji më e qëndrueshme

Pa luhatje të glukozës në gjak, niveli i energjisë stabilizohet. Ndihesh më i kthjellët gjatë ditës dhe fle më qetë natën.

5. Shija për ëmbëlsira ndryshon

Pas një muaji pa sheqer, një mollë e thjeshtë mund të të duket super e ëmbël. Receptorët e shijes rizgjojnë ndjeshmërinë natyrale.

Por vlen të theksohet: nuk është fjala për sheqerin që gjendet natyrshëm në fruta ose perime – por për atë që gjendet në çokollata, lëngje të ambalazhuara, biskota apo edhe salca të gatshme.

Rezultatet janë aq të fuqishme, sa shumë njerëz zgjedhin ta vazhdojnë edhe pas 30 ditëve.

Dy tërmete të njëpasnjëshëm me forcë të moderuar goditën vendin tonë mëngjesin e kësaj të premteje (27 Qershor).

Sipas të dhënave sizmiologjike të IGJEUM, tërmeti i parë ra në orën 08:59. Lëkundja ishte me magnitudë 3.9 me epiqendër në Fushë-Krujë, në një thellësi 19.3 kilometra. Ndërsa i dyti, disa minuta më vonë, saktësisht në orën 09:04, ishte me magnitudë 3.8, me epiqendër në Zall Herr të Tiranës, në një thellësi 15 km.

Sizmiologu Edmond Dushi, në një intervistë për Tvklan.al, ka thënë se tërmetet e sotëm janë vazhdimësi e aktivitetit sizmik të para 3 ditëve (24 Qershor), kur u regjistrua lëkundja me magnitudë 4.4.

Sipas tij, ky aktivitet sizmik duhet të zgjasë deri 1 muaj me pasgoditje të tjera.

Pyetje: A janë lëkundjet e sotme vijimësi e tërmetit të tre ditëve më parë?

Sizmiologu Edmond Dushi: Po, është vazhdimësi e serisë që ndodhi para disa ditësh. Normalisht ajo seri duhet të vazhdonte edhe për një kohë më të gjatë, të paktën 20 ditë ose 1 muaj, por u stopua pas 48 orësh dhe kjo është e pritshme që të ketë një riaktivizim ose dhe një rritje të magnitudës të ngërçit tektonik që është krijuar aty.

Sizmiologu Edmond Dushi shprehet se paslëkundjet që pritet të vijojnë do të vërtiten rreth magnitudës 4, kjo bazuar edhe në informacionet që IGJEUM ka në dispozicion.

Dushi thekson nga goditja kryesore e ditës së martë, deri tani janë regjistruar rreth 100 tërmete, shumica prej të cilëve janë të papërfillshëm.

Pyetje: Pritet një goditje më e fortë sizmike apo aktiviteti sizmik do të vijë duke u qetësuar deri në çlirimin e plotë të energjisë?

Sizmiologu Edmond Dushi:Statistikisht pritet të ketë magnituda të këtij niveli, mund të arrijnë dhe nivele të rendit 4, por kjo është statistikore dhe kjo varet shumë nga informacioni që ne disponojmë, pra do të thotë nga rrjeti që është në afërsi, që është i kënaqshëm por që nuk premton për saktësi të madhe. Një pjesë e pasgoditjeve janë mikro, shumë elementare dhe janë të padeshifrueshme për shkak dhe të zonës e cila është një zonë shumë e urbanizuar dhe stacionet ndodhen në këtë zonë, e për rrjedhojë ndikohen dhe nga niveli i zhurmave urbane që ekzistojnë. Megjithatë, mendoj që ky është trendi i magnitudave bazuar në të dhënat që disponojmë ne, që nuk janë të vogla, janë rreth 100 tërmete të regjistruar deri tani.

Për qytetarët, sizmiologu Edmond Dushi bën thirrje që të ruajnë qetësinë.

Sizmiologu Edmond Dushi: Për qytetarët është mesazhi që nuk duhet të panikosen pa të drejtë, por duhet të jenë gjithmonë të vëmendshëm për të marrë informacione për të dëgjuar mediat në rast se mediat japin informacione, siç është dhe rasti në fjalë, apo dhe zyrtarët që merren me emergjencat civile të cilët janë dhe përgjegjës për lëshimin e këtyre informacioneve udhëzuese. Ndërkohë, ajo që them unë si specialist, është që të ruajmë qetësinë edhe të bashkëjetojmë me këtë fenomen.

Muaji korrik vjen me sfida, reflektime dhe ndryshime të brendshme. Katër planetë në prapavijë sjellin një klimë që kërkon durim, vendimmarrje të matur dhe përballje me të vërtetat personale.

Tarot-i thekson nevojën për guxim dhe përkushtim për çdo shenjë. Ja mesazhet kryesore:

Dashi – Jep ndihmë dhe kohë. Lidhjet familjare dhe mbështetja ndaj të tjerëve do të rikthehen në besim dhe sukses personal.

Demi – Je në qendër të vëmendjes. Shfrytëzo energjinë pozitive për të bërë hapa të mëdhenj në karrierë dhe vetëbesim.

Binjakët – Një vendim i rëndësishëm po vjen. Edhe nëse informacioni mungon, besoji intuitës dhe gjej qartësi përmes reflektimit.