Author: Editorial

E mbetur pa baba, vetëm me nënën e vëllanë, në kushte varfërie që e përballnin me bullizimin, Elsa dëshironte vetëm pak shpresë për një jetë më të mirë. Mundësia erdhi, fondacioni “Fundjavë Ndryshe” bëri çmos që familja nga Delvina të gjente pak qetësi në Fier, në një shtëpi të re.

Në një moment kur gjithçka dukej se po ndrinte, një sëmundje e papritur në periudhën e pandemisë, pas një beteje të ashpër shtatëditore, shoi jetën e vogëlushes. Arbër Hajdari i ndan të gjitha këto në rubrikën “E Diela Ndryshe”, ndërsa bashkë me moderatorin e së “Dielës Shqiptare”, udhëtojnë drejt Korçës për misionin e fundit.

Arbër Hajdari: Në periudhën e pandemisë më vjen një telefonatë nga nëna e Elsës dhe më thotë që Elsa është në spital në Tiranë, në gjendje të rëndë.

Ardit Gjebrea: Po çfarë kishte?

Arbër Hajdari: Kishte një sëmundje shumë të keqe ku mjekët u detyruan të bënin disa analiza të shpejta jashtë vendit për shkak të specifikimit të sëmundjes dhe ishte një sëmundje e agravuar tashmë. Jam gjendur në spital sapo kam marrë informacion nga nëna e vet, mos të harrojmë që në ato kohë Tirana ishte gati e izoluar për shkak të pandemisë, sapo kishte nisur izolimi nga pandemia sepse askush nuk dinte çfarë ishte kjo lloj sëmundjeje. Elsa luftoi për jetën gati shtatë ditë.

Ardit Gjebrea: Kaq shpejt?

Arbër Hajdari: Kaq shpejt. Pas shtatë ditësh, Elsa ndërroi jetë, me të gjithë mënyrat që mjekët u munduan ta shpëtonin. I gjendur para kësaj tragjedie që i ndodhi familjes dhe që ne ishim pjesë, jam mbyllur në shtëpi menjëherë që atë ditë dhe nuk doja që të më shikonin anëtarët e familjes sime në gjendjen e rënduar psikologjise që isha. Isha sepse ishim të lidhur me të, ishte një fëmijë që sapo e kishte nisur jetën, një fëmijë që sapo i buzëqeshi…

Humbja e Elsës la një shenjë dhe dhimbje të fortë te themeluesi i fondacionit “Fundjavë Ndryshe”. vetëm ai dhe nëna e saj e shoqëruan Elsën drejt banesës së fundit. Pas funeralit, Arbër Hajdari u mbyll në shtëpi për ditë me radhë dhe në kokë i vërtitej veç një mendim: të largohej nga fondacioni.

Me ndihmën e njerëzve pranë tij, gjeti forcën për t’u rikthyer dhe për t’u përballur me sfidën e radhës, largimin e katër bashkëpunëtorëve të afërt. Ndërkohë, Elsa e ka lënë gjurmën e saj. Dëshira e asaj vogëlusheje për dije ka frymëzuar një bursë me emrin e saj që i vendoset një kauze.

Arbër Hajdari: Kam qenë vetëm unë dhe nëna e saj në ditën e funeralit sepse nuk lejohej të shkonte askush, ishte pandemia.

Ardit Gjebrea: E paske përcjellë vetëm ti dhe e ëma?

Arbër Hajdari: Vetëm unë me të ëmën. Mund të ketë qenë një nga momentet më të vështira të miat sepse një javë më parë e kisha në krahë dhe një javë më vonë gjendesha në varrezat e Fierit me nënën e saj duke e përcjellë për herë të fundit. Një moment shumë i rënduar për mua dhe sigurisht për nënën e vet dhe të vëllanë që kishin humbur njeriun e tyre më të shtrenjtë. Kthehem në Tiranë dhe vendos që ta braktis “Fundjavën Ndryshe”.Vendos që ta braktis, të shkëputem sepse e ndieja veten jo më të fortë emocionalisht për të përballuar ngarkesa të tilla, aq më tepër kur ne trajtojmë raste shumë të vështira dhe probabiliteti për të ndodhur sërish ishte i lartë. Kam kaluar gati 15 ditë pa dalë nga shtëpia, rrija vetëm në shtëpi, kisha shkëputur komunikimin me njerëzit.

Ardit Gjebrea: Me gjithë botën.

Arbër Hajdari: Me gjithë botën dhe kam qenë në një fazë të gjatë meditimi për të kaluar atë boshllëkun e madh… më dukej sikur më ishte vrarë shpirti dhe kishte përpjekje të vazhdueshme nga stafi, nga anëtarë, nga bashkëshortja ime për të thënë që ju keni bërë ç’ishte e mundur për Elsën dhe ndërkohë po bëheni ju arsyeja që shumë fëmijë të tjerë po shpëtojnë. Filluan të më trajtojnë me disa terapi meditimi që të rizgjohesha dhe të rikthehesha sërish te “Fundjavë Ndryshe” më i fortë, ndërkohë që katër anëtarë të tjerë të stafit të “Fundjavë Ndryshe” e lanë “Fundjavën” që atë ditë.

Ardit Gjebrea: Vërtet?

Arbër Hajdari: Po, dhe unë rikthehem dhe gjendem për të drejtuar “Fundjavën” në mungesë të katër aleatëve kryesorë që kisha në punë dhe m’u desh të ribëj sërish ekipin e “Fundjavës”, kryesorin. Nga ai moment, ne kemi filluar vit pas viti dhe kemi bërë një bursë që e kemi quajtur bursa Elsa. E kemi dedikuar kështu sepse ajo ishte një vajzë që e dëshironte shumë shkollën dhe këtë bursë e japim vit për vit, një bursë të plotë për një student/e që në mungesë të kushteve ekonomike lë shkollën apo nuk realizon dot atë ëndrrën që ka.

Fifi dhe partneri i saj Adisi po komentohen me të madhe nga e premtja.

Kjo për shkak se dyshohet e hamendësohet që ata po kalojnë një krizë. Arsyeja? Disa foto të fshira në Instagram!

Shqiperia Sot u interesua dhe kuptoi nga burime të sigurta pranë çiftit se një gjë e tillë nuk është aspak e vërtetë.

Lidhja e Fifit dhe Adisit është stabile dhe pa telashe sa i përket raporteve në çift.

Të njëjtat burime thonë se ata janë shumë ët përqendruar tek punët që kanë dhe nuk ka as edhe një telash të vetëm mes tyre.

Shumë zhurmë, për asgjë!

Në një konferencë për shtyp që pritej të ishte serioze, Kryeministri i Kosovës, Albin Kurti, u vu në siklet nga një gazetare e cila i bëri një pyetje që për pak sa nuk e la pa fjalë.

“Ma gjeni një shtet në Evropë,” – pyeti Kurti – “ku partia e parë është më e madhe se e dyta dhe e treta së bashku!”

Pa u menduar gjatë, gazetarja e pranishme i kthehet me qetësi, por goditshëm: “Shqipëria.”

Në atë moment, salla shpërtheu në të qeshura, përfshirë edhe vetë Albin Kurtin, i cili nuk mundi të përmbante dot reagimin e tij dhe qeshi bashkë me të pranishmit.

Videoja e momentit është bërë virale në rrjetet sociale, ku ndjekësit po e komentojnë si një nga situatat më të çuditshme, por edhe më të sinqerta në marrëdhëniet Kosovë-Shqipëri.

Komentet nuk kanë munguar:

“Gazetarja e tha troç atë që të gjithë e mendojnë,” – shkruan një komentues.

“Albin Kurti u ‘çmontua’ me një fjali. Bravo për sinqeritetin dhe sportivitetin,” – shkruan një tjetër.

📹 Shiko videon e plotë në koment!

👇

Nëse udhëtojmë në rrugë interurbane sidomos tani në verë , jo rrallë herë na ndodh të shikojmë makina të përfshira nga flakët, që nuk lidhen me asnjë ngjarje kriminale por me defekte teknike që e shkrumbojnë mjetin në pak sekonda dhe vënë në rrezik jetën e shoferit apo pasagjeret që janë në të.

Sipas statistikave të policisë, 5 makina digjen çdo muaj nga ky shkak.

“Është shifër e lartë krahasuar me mjetet që janë në Shqipëri. Duhet shmangur nxehja e tambureve nga frenimi i vazhdueshëm. Kur bëhen ndryshimi i vajrave dhe lubrifikanteve të lahet motori. Gjatë verës motorët me Diezel marrin zjarr nga bllokimi i filtrit particular. Shkak tjetër është edhe riparimi i sistemeve elektrike në servise të pacertefikuara“-shprehet eksperti Fadil Lukaj.

Pjesa më e madhe e rasteve janë konstatuar në orët e mëngjesit ose në momentin e ndezjes së automjetit, çka tregon për mungesë mirëmbajtjeje të rregullt apo përdorim të pjesëve jo origjinale.

Për të shmangur situate të tilla vlen që makinës ti bëhet kontroll teknik periodik për të parë nëse makinës I janë hequr sisteme sigurie nga përdoruesit e mëparshëm apo janë kryer instalime të pasigurta.

Që dëmet mos marrin përmasa këshillohet që në makinë të mbahet një fikse zjarri 6 kg.

Moderatorja Krisa Caushi dhe aktori Laert Vasili ndodhen me xhirime në Itali për një film të ri që do të vijë së shpejti.

Krisa ka publikuar sot një video, ku shprehet se Laert Vasili është babai i saj biologjik.

Më pas Krisa dhe Laerti shfaqen duke qeshur, duke lënë të kuptohet se këta janë rolet e tyre në film.

Një nga emrat më të njohur të grupit “Hellbanianz”, Sabajet Shuti – i njohur ndryshe si “Skilla” – është dënuar me burgim të përjetshëm në Londër, nën akuzën e vrasjes së 27-vjeçarit Lumturi Zeqja.

Ngjarja e rëndë ndodhi në mbrëmjen e 16 tetorit 2022 në zonën e Church Lane, Leytonstone, dhe tronditi komunitetin shqiptar në Mbretërinë e Bashkuar.

Në të njëjtën çështje u shpall fajtor edhe vëllai i tij, Emirlion Shuti, i njohur si “Mili HB”. Ai u dënua me 20 muaj burg, por me vendim për t’u vuajtur në shërbim prove, pasi u gjet fajtor për përleshje në vendin e krimit.

Gjykata dëgjoi rrëfimin e plotë të ngjarjes së përgjakshme. Lumturi Zeqja po qëndronte jashtë një kafeneje bashkë me mikun e tij kur vëllezërit Shuti mbërritën me dy makina.

Pak më vonë, Emirlioni nisi një përplasje fizike me shokun e viktimës, duke e goditur me grusht.

Joz Marku ka komunikuar së fundmi me ndjekësit e tij përmes një sesioni pyetje-përgjigje në InstaStory.

Njëri prej fansave i rikujtoi një nga momentet më të përfolura të qëndrimit të tij në Big Brother VIP Albania.

Një ndjekës me nota humori e pyeti: “A ta ka hapur më njeri derën?”, një referencë e qartë ndaj incidentit famëkeq në shtëpinë e BBVA, kur Gejsti i hapi derën Jozit pas eliminimit, moment që përfundoi me një shuplakë të fortë që bëri xhiron e rrjetit dhe u komentua gjatë në medie.

Jozi nuk ngurroi të japë një përgjigje me ironi të hollë, duke shkruar: “Edhe pa trokit hiç”, duke kthyer në vëmendje atë ngjarje që vazhdon të mbetet një nga skenat më të bujshme të edicionit.

Reagimi i tij ka marrë vëmendje të menjëhershme në rrjetet sociale, duke ndezur sërish debatet për momentin e tensionuar mes tij dhe Gejstit, që për shumë u konsiderua si një ndër përplasjet më të papritura në historinë e spektaklit.

Pas përfundimit të eksperiencës në Big Brother VIP Albania, të dy artistët, si Jozi ashtu edhe Gjesti, i janë kthyer karrierës muzikore.

Jozi ka publikuar materiale të reja që janë pritur me interes nga fansat, ndërsa Gejsti po ashtu ka vazhduar me projekte të reja në muzikë, duke synuar të forcojë më tej praninë e tij në tregun muzikor.

Detroit- Një skenë e pazakontë surprizoi kalimtarët në anën lindore të Detroitit të premten,

kur kartëmonedha filluan të bien nga qielli mbi Gratiot Avenue, duke shkaktuar kaos të përkohshëm në trafik dhe reagime të shumta nga qytetarët.

Ky “shi i parave”, që për shumë dukej si një ngjarje e pabesueshme, ishte në fakt një homazh i veçantë për Darrell Thomas, i njohur në komunitet si “Plant” – një pronar lavazhi makinash dhe figurë e dashur e lagjes, i cili humbi jetën së fundmi si pasojë e sëmundjes së Alzheimerit.

Ngjarja u organizua nga djali i tij, “Smoke”, në përmbushje të dëshirës së fundit të babait, i cili kishte kërkuar që pas vdekjes të bënte edhe një dhuratë të fundit për komunitetin që aq shumë e deshi.

“Detroit, mund të mos e dini kush ishte babai im, por ai ishte një njeri i madh,” tha Smoke gjatë homazhit. “Ai ishte një legjendë në komunitetin e tij, ai i bekoi të gjithë dhe kjo ishte dhurata e tij e fundit. Asgjë më shumë.”

Darrell Thomas ishte i njohur jo vetëm për dashurinë ndaj familjes dhe fqinjëve, por edhe si një koleksionist pasionant i makinave klasike, i cili për vite me radhë kontribuoi për mirëqenien e lagjes së tij.

Për shkak të situatës së krijuar, ku shumë qytetarë braktisën makinat për të mbledhur kartëmonedhat, policia detyroi bllokimin e përkohshëm të trafikut në Gratiot Avenue për rreth 30 minuta.

Ngjarja mbetet një nga ato momente të rralla që përçon bujari, dashuri dhe kujtim të përjetshëm, në stilin më të veçantë të një njeriu që e jetoi jetën për të tjerët.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Produktet e magazinuara synojnë të furnizojnë si tregun shqiptar, duke lehtësuar grumbullimin, mirëmbajtjen dhe shpërndarjen e produkteve vendase, ashtu si dhe promovimin dhe eksportin e jashtëm të këtyre produkteve.

LiDL synon gjithashtu të operojë në tregun shqiptar duke krijuar operacione të shitjes me pakicë përmes një rrjeti të gjerë supermarketesh. Projekti i investimit i plotëson kriteret e punësimit të kërkuara nga legjislacioni për investimet strategjike dhe parashikon të punësojë rreth 2500 persona.

Lidl” njihet për çmimet e ulëta të produkteve dhe pritet të shkaktojë tronditje në rrjetin e supermarketeve në Shqipëri!

Kontrolli i celularit të partnerit është tema e ditës në programin “Shije Shtëpie” në Tv Klan e cila përfshiu edhe telefonueset. Njëra prej tyre u shpreh se nuk duhet kontrolluar celulari i partnerit dhe as ajo vetë nuk e ka kryer ndonjëherë si veprim. Më pas telefonuesja shtoi se asaj i mjafton që partneri t’i “plotësojë dëshirat”.

Telefonuesja: Për mua ka rëndësi të më vijë në rregull në shtëpi, të jetë në rregull me mua, të më plotësojë dëshirat e mia dhe le të flasë me kë të dojë në telefon.

Katerina Trungu: Si moj të flasë me kë të dojë në telefon?!

Telefonuesja: Unë këtë kam zgjidhje.

Rei Bezhani: Po në qoftë se plotësohen dy dëshira në telefon?

Telefonuesja: Nuk të dëgjoj.

Katerina Trungu: Po thonim, ai vërtet t’i plotëson dëshirat, por pse duhet të flasë me të tjerë në telefon?

Telefonuesja: Po dhe ai ka shoqe.

Mardjola Baco: Edhe xhindi i dëshirave, Aladini e çliroi më në fund, ia plotësoi 3 dëshirat kryesore dhe e çliroi, tani edhe ta marrësh këtë burrin e shkretë, ta shfrytëzosh deri në infinit, më plotëso këtë dëshirë, dhe këtë dëshirë, dhe këtë dëshirë, ai prapë nuk është i lirë.

Rei Bezhani: Pas të tretës pastaj dëshira fillon ndryshon.

Mardjola Baco: Ai mund të kthehet prapë, mund të bëjë dëshirën e tij dhe të kthehet prapë aty ku nuk ka dëshirë. Njeriu jeton në burgun më të madh në atë lloj forme.

Telefonuesja: Ai m’i plotëson dëshirat mua.

Mardjola Baco: Po ju atij?

Telefonuesja: Ai më bën pazarin, ai ka shoqe në zyrë.

Mardjola Baco: Jo, shoqja është tjetër gjë, koleget janë tjetër gjë.

Katerina Trungu: Mirë shoqe e thamë pra, shoqe, kolege është shumë normale, unë them mos ka ndonjë bisedë, po themi…

Telefonuesja: Epo punë e madhe le të bëjë ç’të dojë!

Katerina Trungu: O ç’më kënaqe! Ti e paske bërë si llampa e Aladinit burrin!

Telefonuesja: Të bëjë ç’të dojë moj!

Katerina Trungu: Mirë, të uroj të keni shëndet dhe të jeni të lumtur në mënyrën tuaj.

Telefonuesja: Të të them dhe një fjalë të fundit?

Katerina Trungu: Po.

Telefonuesja: Unë e kam në dyshek, ajo e ka në hendek.