Një grup studiuesish nga Universiteti Yale ka identifikuar një gjendje të re shëndetësore të lidhur me vaksinat mRNA kundër COVID-19, të cilën e kanë quajtur “Sindroma Pas Vaksinimit” (Post-Vaccine Syndrome – PVS).
Zbulimi që po alarmon: “Sindroma Pas Vaksinimit” është reale – Këto janë shenjat që duhet të njihni!
Kjo sindromë përfshin simptoma të lodhjes ekstreme, tringëllimë në veshë, marramendje, mjegullim të trurit dhe intolerancë ndaj aktivitetit fizik. Ajo mund të shfaqet muaj apo edhe vite pas vaksinimit fillestar ose dozave përforcuese.
Çfarë zbuluan studiuesit?
Në analizat e 42 individëve me simptoma dhe 22 pa to, studiuesit vunë re ndryshime të dukshme në qelizat imunitare, përfshirë nivele më të ulëta të CD4+ T dhe më të larta të CD8+ T me TNF-alpha – një marker i inflamacionit.
Gjithashtu, në disa raste u zbulua prania e proteinës spike të COVID-19 në gjak, e cila mund të shpjegojë një pjesë të simptomave. Por kjo proteinë nuk u gjet në të gjithë pacientët, duke lënë të hapur pyetjen mbi mekanizmin e saktë të sindromës.